AQShning Fort-Uert (Texas) shahridagi tungi klublardan birining avtoturargohida sodir bo‘lgan otishmada uch kishi yaralandi.
Bu haqda Associated Press xabar bermoqda.
“Bir kishi kabaredagi janjal tufayli uni tark etishni so‘rashganidan keyin odamlarga qarata o‘t ochdi”, — deyiladi xabarda.
Qayd etilishicha, hujumchi muassasa xavfsizlik xodimlari tomonidan yaralangan va olingan jarohatlardan shifoxonada vafot etgan.