Eron xavfsizlik muammolari tufayli o‘ldirilgan Oliy Rahbar Oyatulloh Ali Xomeneyning vorisini tayinlashni kechiktirdi.
Bu haqda The New York Times Eron rasmiysiga tayanib xabar berdi.
Gazeta manbalariga ko‘ra, uning xavfsizligi haqidagi xavotirlar Oyatulloh Xomeneyning o‘g‘li Mojtaba Oliy Rahbar lavozimiga asosiy da’vogar ekanligi ma’lum bo‘lganidan beri kuchaygan.
Isroil mudofaa vaziri Israel Kas chorshanba kuni Eron tomonidan Xomeneyning o‘rniga tayinlangan har qanday rahbar "vayron qilish nishoniga aylanadi" deb aytdi.
O‘z navbatida, AQSh prezidenti Donald Tramp Xomeneining o‘g‘li Mojtabaning nomzodini qabul qilib bo‘lmaydigan deb atadi.
"Biz Eronga uyg‘unlik va tinchlik olib keladigan odamni ko‘rishni istaymiz", deb ta’kidladi Tramp Axios nashriga bergan intervyusida.
28 fevral kuni AQSh va Isroil Eronga qarshi harbiy operasiyani boshladilar va mamlakat bo‘ylab shaharlarga havo hujumlarini uyushtirdilar. Eron bunga javoban Isroilga raketalar otdi. Eron kuchlari shuningdek, Yaqin Sharqning bir qator mamlakatlaridagi AQSh harbiy bazalariga hujum qilishdi. Yaqin Sharqdagi vaziyat tufayli mintaqadagi bir nechta mamlakatlar vaqtincha o‘z havo maydonlarini yopdilar. 28 fevral kuni AQSh va Isroilning havo hujumlari natijasida Eronning Oliy rahbari oyatulloh Ali Xomeney o‘z qarorgohida o‘ldirildi.
Netanyaxu Isroildan qochib ketdi
Tezkor xabar: Eron AQSh bazalari tomon yangi avlod o‘ta og‘ir raketasini uchirdi
Eronning asosiy maqsadi nima?
