Tehron va qo‘shni davlatlar o‘rtasidagi keskinlikdan faqat Isroil manfaatdor — Pezeshkian

Islom Respublikasi qo‘shni davlatlar bilan qarama-qarshilikka kirishish niyatida emas, deb bayonot berdi Eron Prezidenti Mas’ud Pezeshkian.

Tegishli xabar uning X ijtimoiy tarmog‘idagi shaxsiy sahifasida e’lon qilindi.

«Siz bizning birodarlarimizsiz, biz siz bilan ixtilofga borish niyatida emasmiz», — deb yozdi siyosatchi.

Eron yetakchisining fikricha, Tehron va qo‘shni musulmon mamlakatlari o‘rtasidagi har qanday ehtimoliy keskinlashuvdan yakunda faqatgina Isroil manfaat ko‘radi.