Tegishli Qonun bilan amaldagi 4 ta Qonunga tadbirkorlik sub’ektlariga yengilliklar yaratishga qaratilgan o‘zgartirishlar kiritildi.
Bu haqda AOKAda o‘tkazilgan brifingda Adliya vazirligi axborot xizmati rahbari Sevara O‘rinboyeva ma’lum qildi.
Mazkur Qonunda:
✅ tadbirkorlik sub’ektining ustav fondini (ustav kapitalini) kamaytirish to‘g‘risida qaror qabul qilinganda kreditorlarni yozma ravishda xabardor qilish va ommaviy axborot vositalarida bu haqida e’lon berish tartibini bekor qilish;
✅ soliq to‘lovchilarga soliq organlarining sayyor soliq tekshiruvlari va soliq auditi natijalari bo‘yicha qabul qilgan qarorlari ustidan to‘g‘ridan to‘g‘ri sudga shikoyat qilish huquqini berish nazarda tutilgan.
Qonunga muvofiq:
⏺Soliq kodeksi;
⏺“Aksiyadorlik jamiyatlari va aksiyadorlarning huquqlarini himoya qilish to‘g‘risida”gi;
⏺“Mas’uliyati cheklangan hamda qo‘shimcha mas’uliyatli jamiyatlar to‘g‘risida”gi;
⏺“Xo‘jalik shirkatlari to‘g‘risida”gi qonunlarga o‘zgartirishlar kiritildi.
✅ Xususan, Soliq kodeksida sayyor soliq tekshiruvlari va soliq auditi natijalari bo‘yicha qabul qilgan qarorlar ustidan to‘g‘ridan-to‘g‘ri sudga shikoyat qilish mumkinligi belgilanmoqda.
✅ Soliq kodeksiga mazkur o‘zgartirish kiritilishi natijasida tadbirkorlik sub’ektlarining o‘z huquqlarini sud orqali himoya qilish imkoniyati kengaytirildi.