Tayvandagi kuchli zilziladan so‘ng qisman qulagan va qiyshaygan binoda sakkiz kishi qolib ketdi, deb xabar bermoqda orol markaziy axborot agentligi.
Agentlik ma’lumotlariga ko‘ra, Xualyan shahridagi Chjungshan va Chongqing ko‘chalari chorrahasida joylashgan bino qiyshaygan. Voqea joyiga qutqaruvchilar va o‘t o‘chiruvchilar yetib kelgan, biroq qutqaruv ishlari davomida yerosti silkinishlari davom etgan.