Parijda 10 000 ga yaqin fransuz polisiya xodimi ish haqini oshirish va ish sharoitlarini yaxshilashni talab qilib norozilik namoyishi o‘tkazdi.
Le Monde nashri xabar berishicha, namoyish Yeliseysda boshlanib, Milliy Assambleya binosigacha davom etgan. Namoyish Alliance va Unité SGP Police-FO kasaba uyushmalari tomonidan boshlangan.
"Talablar oddiy: bugun bizga polisiya xodimlari qadrlanishi va hurmat qilinishi haqida doimiy ravishda aytilmoqda, ammo ish haqini oshirish borasida hech narsa sodir bo‘lmayapti", dedi Alliance bosh kotibi Fabyen Vanxemelrik.
U polisiya ishi tobora xavfli bo‘lib borayotganini, ammo 2019 yildan beri xavf uchun to‘lovlar oshirilmaganini ta’kidladi. Uning qo‘shimcha qilishicha, kasaba uyushma vakillari Fransiya ichki ishlar vaziri bilan uchrashuvni ham talab qilmoqda.
Kasaba uyushmalari ko‘proq xodimlar, zarur jihozlar, yaxshilangan xavfsizlik va qo‘shimcha mablag‘ so‘ramoqda.
Bu so‘nggi norozilik namoyishi 30 iyun kuni polisiya noroziliklaridan keyin bo‘lib o‘tdi. 4 sentyabr kuni kasaba uyushma vakillari ichki ishlar vaziri Loran Nunyes bilan byudjet masalalari bo‘yicha uchrashuv natijalaridan norozilik bildirishdi.
Buqa 300 ming dollarga sotildi
Nikoh yoshiga yetmaganlarga faqatgina ikkita uzrli sabab bilan oila qurishga ruxsat beriladi
"SI shu o‘n yillik oxiriga kelib barchamizni o‘ldirishi mumkin"
