"Lyaonin" aviatashuvchi kemasi boshchiligidagi Xitoy Xalq ozodlik armiyasi harbiy-dengiz flotining kemalar otryadi Tayvan yaqinidan o‘tdi.
Bu haqda orol mudofaa departamenti ma’lum qildi.
Unga ko‘ra, 22 oktyabr kuni kechqurun Xitoy kemalari Tayvan nazoratidagi Pratas orollari (Dunsha nomi bilan ham tanilgan) yaqinidagi suvlardan o‘tib, shimoldan Tayvan bo‘g‘ozi tomon harakatlanishda davom etgan.
Bayonotda ta’kidlanganidek, Tayvan qurolli kuchlari vaziyatni diqqat bilan kuzatib borgan.