Shotlandiyada 16 yoshdan kichik bolalarni tarbiyalash maqsadida ularga shapaloq urish taqiqlandi.
Ta’kidlanishicha, bolalarga jismoniy kuch ishlatishni taqiqlovchi qonun Shotlandiya parlamenti tomonidan o‘tgan yili ma’qullangan. Qonun bugun, 2020 yil 7 noyabrdan kuchga kirdi.
«Shotlandiya Buyuk Britaniya qirolligidagi bolalarni xuddi kattalar kabi zo‘rlikdan himoya qiluvchi qonun qabul qilgan ilk davlat bo‘lganidan juda xursandman. Bolalarga munosabatda qattiqqo‘llikni oqlab bo‘lmaydi», – degan bola huquqlari bo‘yicha vakolatli vakil Meri Todd.
Avval bu mamlakatda ota-onalar va vasiylar bolalarni bunday tartibda jazolashi mumkin bo‘lgan.
Dunyoda bolalarga shapaloq urish taqiqlagan birinchi mamlakat Shvesiya bo‘lgan (1979 yil). Shotlandiya bunday davlatlarning 57 chisi bo‘ldi. Shuningdek, bu kabi qonun 2021 yil yanvarda Uelsda ham qabul qilinishi kutilmoqda.
Angliya va Shimoliy Irlandiyada bu kabi qonun loyihalarini qabul qilish rejalashtirilmayapti.
O‘zbekistonga yana qorli sovuq havo kirib kelmoqda
Suriyaliklar pul to‘la qoplar bilan banklarga bostirib kirishmoqda
Saudiya Arabistoni xazina topdi, neft konlarida «oq oltin» aniqlandi
