Tanzaniyaning sharqiy qismidagi Morogoro mintaqasida yo‘lovchi avtobusi va yog‘och tashuvchi yuk mashinasi to‘qnashib, kamida 28 kishi halok bo‘ldi. Hodisa 8 oktyabr kuni sodir bo‘lgan, deb xabar berdi mahalliy yong‘in-qutqaruv xizmati.
Ma’lum qilinishicha, halokat Morogoro — Dor-es-Salom magistral yo‘lining Mkambarani qishlog‘idan o‘tuvchi qismida yuz bergan. Dor-es-Salomdan Mbeya shahriga qarab harakatlanayotgan avtobus yuk mashinasi bilan to‘qnashganidan so‘ng yong‘in chiqib, transport vositasi butunlay yonib ketgan.
Morogoro yong‘in-qutqaruv xizmati rahbari vazifasini bajaruvchi Jozef Mvasabedjaning ma’lum qilishicha, dastlabki ma’lumotlarga ko‘ra, yuk mashinasi haydovchisi qoidaga rioya qilmasdan quvib o‘tishga uringan va natijada to‘qnashuv sodir bo‘lgan. Haydovchining shaxsi hozircha aniqlanmagan.
Ikki futbolchi zo‘rlash ishida qo‘lga olindi
Jizzaxda erkak 10 yoshli bolani zo‘rlab, so‘ng o‘z joniga qasd qildi
Shaxmat terma jamoasi a’zolari hibsga olindi
