Mashhur rossiyalik aktyor Gosha Kutsenkoning mashinasidan bir ayolning kesilgan jasadi topildi. SHOT Telegram-kanali xabar berishicha, avtomobil Moskvadagi Kutuzovskiy prospektidagi binolardan birining hovlisida to‘xtab turgan.
Ma’lum qilinishicha, avtomobildan topilgan ayolning o‘ldirilishida gumon qilinayotgan shaxs qo‘lga olingan.
"Kecha ertalab o‘tib ketayotganlar Kutuzovskiy prospektidagi binolardan birining hovlisida to‘xtab turgan eski "Zaporojets"da ayolning jasadini ko‘rib qolishgan. Bizga ma’lum bo‘lishicha, bu mashina Rossiya Federasiyasining xizmat ko‘rsatgan artisti Gosha Kutsenkoga tegishli ekan. Avtomobil eshiklari ochiq bo‘lgan. Voqea joyiga kelgan ekspertlar jabrlangan ayolning bir necha soat avval o‘ldirilganini va tanasida ko‘plab pichoq yaralari borligini aniqlashdi. Shuningdek, salondan, jasad yonidan ishlatilgan kontratseptiv vosita ham topilgan. Halok bo‘lgan ayolning shaxsi aniqlanmoqda, ko‘rinishidan u 30-35 yoshlar atrofida," - deyiladi xabarda.
Huquq-tartibot organlari Albert Abdullin ismli erkakni qo‘lga olishdi. Rossiya Tergov qo‘mitasining ma’lumotlariga ko‘ra, u 18 yanvardan 19 yanvarga o‘tar kechasi mast holda tanishiga pichoq bilan tan jarohati yetkazgan, so‘ngra jasadni to‘xtab turgan avtomobilga yashirgan.
AQSh Ukrainadagi mojaroda Rossiya g‘alaba qozonganini e’lon qildi
Boylar Britaniyani ommaviy ravishda tark etmoqda
Rossiyaga qarshi sanksiyalar bekor qilinishi mumkin
