Buning uchun talaba barcha fanlardan o‘zlashtirish ko‘rsatkichlari “a’lo” bo‘lishi hamda ijodiy ishda qatnashishi kerak.
▪️Beruniy
texnika yo‘nalishlarida,
▪️Ibn Sino
tibbiyot yo‘nalishlarida,
▪️Navoiy
gumanitar yo‘nalishlarda,
▪️Kamoliddin Behzod
tasviriy va amaliy san’at hamda dizayn yo‘nalishlarida,
▪️Ulug‘bek
tabiiy yo‘nalishlarda,
▪️Xudoybergan Devonov
kinematografiya yo‘nalishida,
▪️Bobur
tarix va geografiya yo‘nalishlarida,
▪️Pahlavon Mahmud
jismoniy tarbiya va sport yo‘nalishlarida,
▪️Imom al-Buxoriy
O‘zbekiston xalqaro islom akademiyasida,
▪️To‘lepbergen Qaipbergenov va Ibroyim Yusupov
Qoraqalpog‘iston Respublikasidagi oliy ta’lim muassasalarida,
▪️Islom Karimov
barcha yo‘nalishlarda.
🔸Stipendiya kim uchun: bakalavriatda o‘qiyotgan oxirgi ikki kurs talabalari uchun.
- Beruniy, Ibn Sino, Navoiy, Kamoliddin Behzod va Ulug‘bek nomli davlat stipendiyalari bakalavriat ta’lim yo‘nalishlari bo‘yicha yuqori kurslarning har ming nafar talabasiga bittadan;
- Imom al-Buxoriy nomli davlat stipendiyasi O‘zbekiston xalqaro islom akademiyasining uch nafar yuqori kurs talabasiga;
- Xudoybergan Devonov nomli davlat stipendiyasi kinematografiya sohasi uchun kadrlar tayyorlovchi har bir oliy ta’lim muassasasining bir nafar yuqori kurs talabasiga;
- Bobur nomli davlat stipendiyasi tarix va geografiya yo‘nalishlari uchun kadrlar tayyorlovchi har bir oliy ta’lim muassasasining bir nafar yuqori kurs talabasiga;
- Pahlavon Mahmud nomli davlat stipendiyasi jismoniy tarbiya va sport yo‘nalishlari uchun kadrlar tayyorlovchi har bir oliy ta’lim muassasasining bir nafar yuqori kurs talabasiga;
- To‘lepbergen Qaipbergenov va Ibroyim Yusupov nomli davlat stipendiyalari Qoraqalpog‘iston Respublikasidagi har bir oliy ta’lim muassasasining bir nafar yuqori kurs talabasiga;
- Islom Karimov nomli davlat stipendiyasi har bir oliy ta’lim muassasasining bir nafar yuqori kurs talabasiga tayinlanadi.
