«Barselona» hujumchisi Luis Suares Ispaniya Superkubogi doirasida «Atletiko»ga qarshi bahsda o‘ng tizzasidan olgan jarohati sabab jarrohlik amaliyotini boshdan o‘tkazdi.
Klub matbuot xizmati xabariga ko‘ra, futbolchi 11 yanvar, shanba kuni chuqurlashtirilgan tibbiy ko‘rikdan o‘tgan va 12 yanvarda operasiya qilingan. Amaliyot muvaffaqiyatli kechgan.
Ta’kidlanishicha, Suares kamida 4 oy futbol o‘ynay olmaydi.
Qayd etish joiz, hujumchi o‘tgan mavsum so‘ngida «Liverpul»ga qarshi bahsda olgan jarohati sabab tizzasidan operasiya qilingan edi.
Ma’lumot uchun, urugvaylik joriy mavsum barcha musobaqalar doirasida 23 ta o‘yin o‘tkazib, 14 ta gol urdi.
Rossiya yaqin kunlarda Zelenskiyni o‘ldirib yuborishi mumkin
Dronlar Rossiyaning eng yirik neftni qayta ishlash zavodiga hujum qildi
Ukraina Rossiyani «qurollantirmoqda»
