Buyuk Britaniya bosh vaziri Key Starmer AQSh prezidenti Jo Bayden bilan uchrashuvda Ukraina bo‘yicha strategiyani muhokama qilganini aytdi. U uzoq masofali qurollar bilan zarba berish bo‘yicha cheklovlarni bekor qilish masalasi ko‘tarilganmi yoki yo‘qmi, aniqlik kiritmadi. Britaniya Bosh vaziri kelasi hafta oxirida BMT Bosh Assambleyasi sessiyasida Bayden bilan yana uchrashmoqchi.
Starmerning aytishicha, tomonlar "nafaqat u yoki bu harakat yoki taktika haqida, balki Ukrainaga oid strategiya haqida ham gaplashish", shuningdek, Yaqin Sharq va boshqa mintaqalardagi vaziyatni muhokama qilish imkoniga ega. "Bir hafta ichida BMT Bosh Assambleyasi sessiyasida yana bir imkoniyatga ega bo‘lamiz va biz bundan foydalanamiz", dedi Britaniya bosh vaziri jurnalistlarga.
Bayden va Starmer o‘rtasidagi uchrashuvdan so‘ng, Oq uy uzoq masofali qurollardan foydalanishga qo‘yilgan cheklovlarning bekor qilinishi mumkinligi haqida hech qanday bayonot bermadi. Davlat departamenti bu masala muzokaralar mavzularidan biri bo‘lishini aytdi, biroq janob Starmer buni rad etdi. Rossiya prezidenti Vladimir Putinning aytishicha, Ukraina uchun cheklovning bekor qilinishi NATO davlatlarining harbiy mojaroga bevosita aralashishini anglatadi.
O‘zbekistonga yana qorli sovuq havo kirib kelmoqda
Propan narxi tushishda davom etmoqda, benzin esa....
Suriyaliklar pul to‘la qoplar bilan banklarga bostirib kirishmoqda
