SSKA Fayzullayev transferi uchun pulni kutmoqda

SSKA kommunikasiyalar xizmati rahbari Kirill Breydo Abbosbek Fayzullayev transferi haqida gapirdi. Yaqinda "Istanbul Bashakshehir" hujumkor yarim himoyachini o‘z safiga qo‘shib olganini e’lon qildi.

"Yaqin vaqt ichida "Istanbul Bashakshehir" SSKA bilan transfer uchun to‘liq hisob-kitob qilishi kerak. Biz Abbosga muvaffaqiyatlar va futboldagi orzusini amalga oshirishini tilaymiz," - deb yozdi Breydo telegram-kanalida.

Shuningdek, Breydoning ta’kidlashicha, SSKA Fayzullayev bilan xayrlashganidan so‘ng hujumga yangi futbolchi izlamoqda.