"Sizlar haqiqiy masxarabozsiz": Oq uy Eronga yadroviy zarba berilishi haqidagi xabarlarni rad etdi

Oq uy AQSh go‘yoki Eronga qarshi yadro qurolini qo‘llash rejalari borligi haqidagi ayblovlarga keskin javob berdi.

"Bu yerda vise-prezident (AQSh vise-prezidenti Jey Di Vens — tahr.) aytgan gaplarning mutlaqo hech qaysisi buni "nazarda tutmaydi", sizlar haqiqiy masxarabozsiz", — deyiladi X ijtimoiy tarmog‘idagi rasmiy munosabatda.

Shu tariqa, Oq uy Vensning Budapeshtdagi chiqishidan olingan videolavhaning tarqalishiga munosabat bildirdi. Ushbu videoda vise-prezident go‘yoki Yaqin Sharqda yadro qurolini qo‘llash mumkinligiga sha’ma qilgani iddao qilingan edi.