Sinvarning jasadi G‘azodan garovga olinganlarga almashtirilishi mumkin

Hamas rahbari Sinvarning jasadi G‘azodan garovga olinganlarga almashtirilishi mumkin.

AQSh va Yevropa Ittifoqida terrorchi deb tan olingan Xamas guruhi rahbari Yahyo Sinvarning jasadi G‘azoda garovga olingan isroilliklarga almashtirilishi mumkin. Bu haqda CNN Isroildagi manbalariga tayanib xabar bermoqda.

Nashr suhbatdoshlarining aytishicha, garovga olinganlarning qaytarilishi Xamas uchun Falastin guruhi yetakchisining jasadini qaytarishning yagona yo‘li bo‘lishi mumkin. Isroil bir yildan ko‘proq vaqt oldin asirga olingan odamlarni ozod qilish uchun falastinliklarga qanday bosim o‘tkazishni ko‘rib chiqmoqda. Shu bilan birga, CNN manbalari Sinvarning jasadi qaytarilishi Xamas a’zolarining birligiga sabab bo‘lishi mumkinligini ta’kidlamoqda.

Isroil 17-oktabr kuni Sinvar o‘ldirilganini e’lon qildi. Ertasi kuni Sinvarning o‘limi Xamas tomonidan tasdiqlandi. Isroil Milliy sud-tibbiyot markazi o‘lim sababi bosh qismidagi o‘q jarohati bo‘lganini va o‘limning taxminiy vaqti 16 oktyabr oqshomida bo‘lganini aytdi.

Sinvar o‘tgan yilning 7 oktabr kuni Xamasning Isroilga hujumi tashkilotchisi sanaladi. Mingdan ortiq odam jihodchilar hujumi qurboniga aylandi. 250 dan ortiq odam garovga olinib, G‘azo sektoriga olib ketilgan. Ulardan ba’zilari Isroil va HAMAS o‘rtasidagi kelishuv doirasida almashildi.

Centyabr oyi boshida XAMAS qo‘lida yuzdan kam garovga olingan edi. Isroil ulardan 40 ga yaqinini o‘lgan deb hisoblaydi.

Sinvar o‘limidan so‘ng Isroil Bosh vaziri guruhni qurollarini tashlab, garovga olinganlarni qaytarishni taklif qilgan, biroq Xamas buni rad etgan.