Shvesiyada qor bo‘roni oqibatida uch kishi halok bo‘ldi

Shvesiyada Skandinaviya bo‘ylab sodir bo‘lgan kuchli qor bo‘roni oqibatida uch kishi halok bo‘ldi.

Mahalliy OAVlar xabar berishicha, bo‘ron transport vositalarining jiddiy to‘xtashi va elektr ta’minotida uzilishlarga sabab bo‘lgan.

Qurbonlardan biri 50 yoshli erkak bo‘lib, mamlakat janubidagi Kungsberget tog‘-chang‘i kurortida ustiga daraxt qulashi oqibatida halok bo‘lgan. Ikkinchi qurbon hududning Hemab energetika korxonasi xodimi bo‘lib, u tashqarida ishlayotgan vaqtda vafot etgan. Uchinchisi 60 yoshli erkak bo‘lib, uni ham qulagan daraxt urib yuborgan.

Bundan tashqari, Shvesiyada 40 mingdan ortiq xonadon elektrsiz qolgan.

Bo‘ron ko‘plab reyslarni bekor qildi, Skandinaviyaning ba’zi qismlarida poyezd va parom qatnovini to‘xtatdi.