Shomurodov o‘rniga kelgan futbolchi umidlarni oqlay olmadi

"Roma"ning "Brayton"dan ijaraga olgan hujumchisi Evan Fergyuson tez orada Angliyaga qaytishi mumkin.

Rimliklar irlandiyalik futbolchini o‘tgan yozda ijaraga olgandi, biroq futbolchi ishonchni oqlay olmadi va asosiy tarkibdagi o‘rnini yo‘qotdi. Calciomercato nashrining xabar berishicha, "Roma" yanvarda Fergyusonning ijara shartnomasini muddatidan oldin bekor qilish va uning o‘rniga boshqa hujumchi olish haqida o‘ylamoqda. 21 yoshli futbolchi bilan xayrlashish qishki transferlar oynasida tarkibni kuchaytirish uchun mablag‘ ajratadi.

Evan Fergyuson Jan Pyero Gasperini jamoasi uchun 12 ta o‘yinda bitta gol va bitta golli uzatmani o‘z hisobiga yozdirib qo‘ydi. Ijara mavsum oxirigacha mo‘ljallangan va sotib olish opsiyasini o‘z ichiga oladi.

Ma’lumot o‘rnida. Aynan Fergyuson "bo‘rilar" safida hamyurtimiz Eldor Shomurodov o‘rniga olib kelingan edi.