Janubiy Koreya prezidenti qarorgohi yaqinida varaqalar solingan axlat shari quladi.
Shimoliy Koreyadan uchirilgani taxmin qilinayotgan Janubiy Koreya prezidenti Yun Sok Yol va birinchi xonim Kim Keon Xini tanqid qilgan siyosiy varaqalar va axlat solingan shar Janubiy Koreya prezidenti qarorgohi hududiga quladi, deb xabar bermoqda «Yonhap» agentligi prezident xavfsizlik xizmatiga tayanib.
«Bugun ertalab Shimoliy Koreyaning axlat shari havoda yorilib, Seulning Yongsan tumanidagi hukumat majmuasi bo‘ylab chiqindini sochdi», dedi xavfsizlik xizmati va uning tarkibi hech qanday xavf tug‘dirmasligini qo‘shimcha qildi.
24 iyul kuni avvalroq Janubiy Koreya prezidenti qarorgohi hududiga axlat shari qulagan edi. Biroq, bu havo shari tarkibidan prezident va uning rafiqasini ochiqdan-ochiq tanqid qiluvchi varaqalar topilgani birinchi marta bo‘ldi. Bir varaqada Janubiy Koreyaning birinchi xonimi Mari Antuanettaga qiyoslangan bo‘lsa, boshqasida prezident Yun Sok Yol «yadroviy energetika qarshisida rejim tugashi haqida g‘azablanayotgani» tasvirlangan, deb yozadi Yonhap.