Shimoliy Koreya yadro quroli salohiyatini keskin oshirmoqda

Mamlakat yadro qurolini ishlab chiqarish imkoniyatlarini sezilarli darajada oshirdi, deb bayonot berdi MAGATE rahbari Rafael Grossi.

Seuldagi chiqishida BMT yadroviy nazorat organi rahbari Yonbyondagi yadro majmuasining besh megavattli reaktori, yadro yoqilg‘isini qayta ishlash qurilmasi, yengil suv reaktori va boshqa ob’ektlarida faollik tez sur’atda o‘sayotganini tasdiqladi.

Shimoliy Koreyaning yadroviy dasturida bir necha o‘nlab jangovar kallaklar borligi taxmin qilinmoqda, dedi Grossi matbuot anjumanida, yengil suvli reaktorning ishlashi va Yongbondan tashqari boshqa ob’ektlarning ishga tushirilishi kabi faollik belgilariga ishora qilib.

"Ularning barchasi KXDRning yadro quroli ishlab chiqarish sohasidagi imkoniyatlarini juda jiddiy oshirishini ko‘rsatadi," - dedi Grossi.

Rafael Grossining so‘zlariga ko‘ra, Yonbyondagi uranni boyitish sexlariga o‘xshash yangi ob’ekt qurilishi kuzatilgan va tashqi xususiyatlar tahlili boyitish quvvatlarining sezilarli darajada kengayganini ko‘rsatgan.

"Yadro quroliga o‘tish hech qachon hech bir mamlakatning xavfsizligini oshirmaydi, - dedi Grossi, - aksincha, uning tarqalishiga sabab bo‘lishi mumkin."