Shimoliy Koreya yetakchisi qizi bilan ballistik raketalar sinovini tomosha qildi — Reuters

"19 aprel kuni Kim Chen In qizi Kim Chju E bilan birga ballistik raketalarning sinov jarayonini bevosita kuzatdi", deya xabar bermoqda agentlik.

Ma’lumotlarga ko‘ra, Kim Chen In sinov natijalaridan mamnunligini bildirib, maxsus ilmiy guruhning ko‘p yillik mehnati o‘z samarasini berganini ta’kidlagan.

Koreya Markaziy axborot agentligi tomonudan e’lon qilingan suratlarda Kim Chen In va uning qizi Chju E harbiy amaldorlar hamrohligida jarayonni kuzatayotgani aks etgan. Kim Chju avval ham otasi bilan bir necha bor harbiy sinovlarda qatnashgan. Janubiy Koreya razvedkasi uni KXDR yetakchisining ehtimoliy vorisi deb taxmin qiladi.