O‘zbekiston Respublikasi Prezidenti Shavkat Mirziyoyev 13 fevral kuni Vengriyaning eng yirik “OTP” banki boshqaruvi raisi Shandor Chanini qabul qildi.
Uchrashuvda bank-moliya sohasidagi, shu jumladan “OTP” guruhiga davlatning “Ipoteka-bank”dagi ulushini sotish bo‘yicha bitim doirasidagi hamkorlikning ijobiy sur’ati mamnuniyat bilan qayd etildi.
Davlatimiz rahbari bank xizmatlarini raqamlashtirish orqali ularning sifatini oshirish, kichik va oilaviy biznes uchun innovasion va hamyonbop moliyaviy mahsulotlarni joriy qilish, xodimlarni Yevropaning eng namunali amaliyotlariga o‘qitish muhimligini ta’kidladi.
Vengriyaning yetakchi kompaniyalari bilan, shu jumladan Toshkent viloyatida ular uchun tashkil etilayotgan maxsus iqtisodiy zona negizida qishloq xo‘jaligi, vinochilik, irrigasiya, kimyo, farmasevtika va sanoatning boshqa tarmoqlarida kooperasiyani yanada chuqurlashtirish masalalari ko‘rib chiqildi.
Shandor Chani, o‘z navbatida, Vengriya biznesi mamlakatimiz bozoridagi faoliyatini jadal kengaytirishga tayyorligini tacdiqladi.
Uchrashuv yakunida “OTP” banki boshqaruvi raisi O‘zbekiston yetakchisiga uning faoliyatiga berilgan yuksak e’tirof hamda o‘ziga davlat mukofoti – “Do‘stlik” ordeni topshirilgani uchun chuqur minnatdorlik bildirdi.
Mayk Tayson duch kelishni istamaydigan yagona jangchini aytdi: «Unga nisbatan hech kimda imkoniyat yo‘q»
Ukrainada millionlab odamlarning mamlakatni ommaviy ravishda tark etishi boshlanadi
Amerikalik tahlilchilar Rossiyaning yadroviy raketasi qayerda joylashganini aniqladi
