Shahrisabz mahalliy aeroporti 11 sentyabr kuni fuqaro aviasiyasining parvozlari uchun o‘z faoliyatini tikladi.
Uzbekistan Airports xabariga ko‘ra, Silk Avia aviakompaniyasining Toshkentdan ilk parvozi mahalliy vaqt bilan soat 13:10 da aeroportga borib qo‘ndi. Parvoz vaqti 1 soat 30 daqiqani tashkil etdi.
Samolyot suv arkasi bilan, birinchi yo‘lovchilar esa karnay-surnay sadolari ostida tantanali ravishda kutib olindi. Aeroportga parvozlar deyarli 21 yildan so‘ng qayta yo‘lga qo‘yilgan. Shahrisabz aeroporti 2003 yilning noyabr oyida yopilgan edi.