Toshkent shahrining Sergeli tumanida «MaxWay» umumiy ovqatlanish binosida yong‘in sodir bo‘ldi. Bu haqda poytaxt FVV matbuot xizmati xabar bermoqda.
Yangi Sergeli ko‘chasida sodir bo‘lgan yong‘in haqida ma’lumot 13 dekabr kuni soat 16:12 da kelib tushgan. Soat 16:19 da yong‘in-qutqaruv guruhi voqea joyiga yetib keldi.
Soat 16:31 da yong‘in qurshab olinib, 16:32 da to‘liq o‘chirildi. Qurbonlar yo‘q.
Hozirda yong‘in kelib chiqish sabablari aniqlanib, yetkazilgan moddiy zarar miqdori hisoblab chiqilmoqda
