Serbiya sanksiyalar tufayli Rossiya o‘rniga Fransiyadan qiruvchi samolyotlar sotib oladi

Serbiya sanksiyalar tufayli Rossiya o‘rniga Fransiyadan qiruvchi samolyotlar sotib oladi. Bu haqda Financial Times xabar berdi.

Nashrning yozishicha, mamlakat Fransiyadan 3 milliard yevroga 12 ta Rafale qiruvchi samolyotlarini sotib olmoqchi. Ilgari mamlakat harbiy texnikani asosan Rossiyadan xarid qilgan.

"Biz sovet davri qurollariga tayanar edik, ammo bizda bunday harbiy texnikalarni saqlash bilan bog‘liq ba’zi muammolar mavjud. Endi geosiyosiy sharoitlar tufayli Rossiyadan biror narsa sotib olish deyarli ilojsiz", — deya tushuntirdi Serbiya Mudofaa vazirligidagi manba.