O‘zbekiston Respublikasi Prezidenti Shavkat Mirziyoyevning taklifiga binoan, Serbiya Respublikasi Prezidenti Aleksandr Vuchich 28–31-oktyabr kunlari rasmiy tashrif bilan mamlakatimizda bo‘ladi.
Tashrif doirasida Toshkent shahrida oliy darajadagi muzokaralar o‘tkazilishi rejalashtirilgan. Uchrashuvlarda O‘zbekiston va Serbiya o‘rtasidagi ko‘p qirrali hamkorlikni yanada rivojlantirish istiqbollari muhokama etiladi.
Tomonlar mashinasozlik, agrosanoat, farmasevtika, axborot texnologiyalari, raqamlashtirish, turizm kabi sohalarda sheriklikni kengaytirish masalalariga alohida e’tibor qaratadilar. Shuningdek, tartibli mehnat migrasiyasi, madaniy-gumanitar almashinuv va ta’lim sohalaridagi hamkorlik yo‘nalishlari ham ko‘rib chiqiladi.
Muzokaralar yakunida ikki tomonlama hujjatlar to‘plamini imzolash kutilmoqda.
Aleksandr Vuchich, faxriy mehmon sifatida, shu hafta Samarqand shahrida boshlanadigan UNESCO Bosh konferensiyasining 43-sessiyasida ham ishtirok etadi.
Rossiya harbiylari Ukrainada insoniyatga qarshi jinoyatlar sodir etmoqda
Fransiya: Yevropa Zelenskiyning umidlarini puchga chiqardi
Rossi NATO bilan ehtimoliy to‘qnashuvga tayyorgarlik ko‘rmoqda
