Serbiya prezidenti Aleksandr Vuchich 13 avgust kuni yana prezidentlikka nomzodini qo‘yish uchun mamlakat konstitusiyasini o‘zgartirmoqchi emasligini ma’lum qildi. Bu haqda u Belgradda Avstriya kansleri Kristian Shtoker bilan uchrashuv yakunlari bo‘yicha o‘tkazilgan matbuot anjumanida aytib o‘tdi.
«Men siyosiy faxriyman, endi prezidentlikka nomzodimni qo‘ya olmayman va nomzodimni qo‘yishda davom etish uchun konstitusiyani o‘zgartirish xayolimga ham kelmayapti. Men Avstriya OAVga ko‘ra siz tasavvur qilganingizdek diktator emasman, bir yarim yildan keyin prezidentlik faoliyatimni yakunlayman», — dedi Vuchich avstriyalik jurnalistning savoliga javoban.
Serbiya prezidentining qo‘shimcha qilishicha, u kelgusida ham siyosiy faoliyatda ishtirok etishda davom etadi, biroq hozir qanday pozisiyani egallashini ochiqlamadi.
55 yoshli Vuchich Serbiya prezidenti lavozimini 2017 yil iyunidan buyon egallab kelmoqda, u 2022 yil aprelida ikkinchi muddatga qayta saylangandi. Bungacha Vuchich 2014 yildan 2017 yilgacha Serbiya hukumatini boshqargan.
2006 yilgi Serbiya konstitusiyasiga ko‘ra, prezident 5 yil muddatdan ko‘pi bilan ikki marta saylanadi.
Qarshida 150 nafar yo‘lovchili samolyot g‘oyib bo‘ldi
Aholiga subsidiya o‘rniga foizsiz qarz beriladi
Ichki ishlar vazirligi semiz xodimlarni ishdan bo‘shatadi
