Sentyabr rekordi: Fransiyada 33.3 daraja issiq havo qayd etildi

Fransiyaning 30ta meteorologik xizmatlari o‘rtacha 33.3 daraja issiq havoni qayd etdi. Oxirgi marta sentyabr oyi uchun bunday yuqori ko‘rsatkich 1949 yilda qayd etilgan bo‘lib, o‘shanda havo harorati 32.6 darajani ko‘rsatgan.

Parij va Lillda rekord yangilandi, mamlakat g‘arbida havo 38 darajagacha isidi.

“Joriy yilda yoz fasli issiq bo‘ldi. Bu keyingi yoz oldingisidan ham issiqroq bo‘lishini bildirmaydi. Ammo umumiy tendensiya ma’lum: bundan keyin yoz biz ko‘nikkanimizdan issiq bo‘ladi” deydi sinoptik Sebastyan Leas.