Saudiya Arabistonida kuchli yomg‘ir sabab suv toshqinlari sodir bo‘ldi. Podshohlikning janubi-g‘arbidagi Jizan viloyatida tabiiy ofat 7 kishining hayotiga zomin bo‘ldi, deya xabar beradi Saudiya OAVlari.
Jizanda halok bo‘lganlar orasida er-xotinlar ham bor, ularning mashinasini viloyat janubi-sharqidagi Al-Arida va Ahad al-Masariha viloyatlarini bog‘lovchi yo‘lda ketayotib, suv toshqinlari olib ketgan.
Sabiya va Abu Arish viloyatlarini bog‘lovchi ko‘prik qisman qulashi oqibatida yana bir erkak va uning rafiqasi halok bo‘ldi, deb xabar bermoqda Sabq axborot portali. Hodisa oqibatida oilaning boshqa a’zolari jarohatlangan.
Fuqarolik mudofaa guruhlari keyinchalik Jizandagi suv bosgan vodiyda halok bo‘lgan uch kishining jasadini, jumladan, ikki o‘smir va 35 yoshli erkakning jasadini topib oldi.
Kuchli yomg‘ir Jizanning turli qismlarida chorshanba kuni ertalabgacha davom etdi. Viloyatda yomg‘irli havo davom etishi mumkin.
Ayni paytda musulmonlarning muqaddas Makka shahri seshanba kuni kuchli yomg‘ir, do‘l va kuchli shamolni boshdan kechirib, ayrim hududlarda vayronagarchiliklarga sabab bo‘ldi.
Saudiya Arabistoni fuqarolik mudofaasi bosh boshqarmasi podshohlikning bir qancha hududlarida kuzatilayotgan beqaror ob-havo tufayli aholiga ehtiyot bo‘lishni tavsiya qildi.
Aholiga yomg‘ir va suv toshqinlari paytida pasttekisliklar, suv omborlari va vodiylarga bormaslik haqida ogohlantirildi. Boshqarma sel suvlarida cho‘milishdan ogohlantirib, xavf-xatarlarni keltirib chiqarishi ma’lum qildi.
Shuningdek, jamoatchilikni turli ommaviy axborot vositalari va ijtimoiy media platformalari orqali boshqarma tomonidan tarqatilayotgan xavfsizlik yo‘riqnomalarini diqqat bilan kuzatib borish tavsiya etiladi.
RF uchun yana bir “bosh og‘riq” paydo bo‘ldi
Daniya AQSh tajovuzi bo‘lsa, Rossiyaga murojaat qilishni taklif qildi
Moskva AQShga "javob" va’da qilmoqda
