Bugun 14 mart, 2025 yil, juma

КИР

Sanitar tozalash korxonasi bilan tuzilgan bitim nega bekor qilindi?

Sanitar tozalash korxonasi bilan tuzilgan bitim nega bekor qilindi?

2025 yil 31 yanvar kuni Oliy sud tomonidan Navoiy viloyati hokimligi va «Berejlivost» XICHK (xususiy ishlab chiqarish korxonasi) sanitar tozalash korxonasi o‘rtasidagi bitim bekor qilindi.

Ma’lumot uchun, 2019 yil 18 yanvarda Navoiy viloyati hokimligi va sanitar korxona o‘rtasida davlat-xususiy sheriklik asosida "Maishiy chiqindilarni olib chiqib ketish xizmatlarini ko‘rsatish to‘g‘risida”gi 2-sonli bitim va 1-sonli qo‘shimcha kelishuv imzolangan edi.

Sud qaroriga asosan mazkur bitim va kelishuv korxona tomonidan abonentlarga qoniqarsiz xizmat ko‘rsatilganligi sababli bekor qilindi. Ya’ni korxona 2-sonli bitim bo‘yicha Navoiy viloyatining Navoiy shahri va Karmana tumanida, 1-sonli qo‘shimcha kelishuv bo‘yicha esa viloyatning Zarafshon tumani hududida chiqindilarni olib chiqib ketish xizmatlarini ko‘rsata olmaydi.

Bundan tashqari, ayni paytda Navoiy viloyati hokimligi, Navoiy Ekologiya boshqarmasi va «Berejlivost» XICHK o‘rtasida 2021 yil 10 sentyabrda tuzilgan Tomdi, Qiziltepa va Uchquduq tumanlarida «Maishiy chiqindilarni olib chiqib ketish xizmatlarini ko‘rsatish to‘g‘risida»gi 14-son bitimni bekor qilish yuzasidan kiritilgan da’vo arizasi apellyasiya sudi tomonidan ko‘rib chiqilmoqda.

Ekologiya vazirligi huzuridagi Chiqindilarni boshqarish va sirkulyar iqtisodiyotni rivojlantirish agentligi boshqa sanitar tozalash korxonalariga tegishli darajada sifatli xizmat ko‘rsatishga mas’ul ekanliklarini, aks holda bitimlar qonunchilikda belgilangan tartibda bekor qilinishini eslatib o‘tadi!

Agar sizda ham chiqindi xizmatlari bo‘yicha shikoyat va takliflar bo‘lsa, agentlikning 1205 qisqa raqamlariga murojaat qiling!

Kiritildi: 18:02 04.02.2025. O'qildi: 1696 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!