Samarqand shahrida kuchli ta’sir qiluvchi dori vositalarini muomalaga kiritilishining oldi olindi. Bu haqda Bosh prokuratura huzuridagi Departament xabar berdi.
Qayd qilinishicha, Departament hamda DXXning Samarqand shahar bo‘limlari tomonidan o‘tkazilgan tezkor tadbirda, fuqaro E.A. va boshqalar oldindan til biriktirib, fuqaro SH.ga jami 1 622 dona kuchli ta’sir qiluvchi “Regapen” nomli dori vositalarini 3 000 AQSh dollariga sotgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 251-1-moddasi moddasi (kuchli ta’sir qiluvchi yoki zaharli moddalarni qonunga xilof ravishda muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.
