Salome Zurabishvili Tbilisida mahalliy va xalqaro ommaviy axborot vositalari vakillari bilan uchrashuv o‘tkazdi

Gruziya prezidenti Salome Zurabishvili Tbilisida mahalliy va xalqaro ommaviy axborot vositalari vakillari bilan uchrashuv o‘tkazdi.

Ushbu uchrashuvda Zurabishvili tomonidan bildirilgan asosiy fikrlar:

◾️ Rossiya Abxaziyada harbiy-dengiz kuchlari uchun yangi doimiy baza yaratish ustida ish olib bormoqda. Bu nafaqat biz uchun, balki butun Qora dengiz davlatlari xavfsizligi uchun muammodir;

◾️ Gruziya bosh vaziri Irakliy Kobaxidze uning hukumati Abxaziya va Janubiy Osetiya hududlariga nisbatan samarali siyosat yuritmayapti;

◾️ Abxaziya va Janubiy Osetiya aholisiga Gruziya fuqaroligi berilishi kerak. Bu hududlarda yashovchi odamlarda Gruziya va uning imkoniyatlariga qiziqish kuchaymoqda;

◾️ Ozarboyjon va Armaniston o‘rtasidagi mojaro hali tugamagan. Biz Gruziya uchun bu mojaroga barham berish muhimligini juda yaxshi bilamiz. Gruziya ikki davlat o‘rtasida tashkil etiladigan muzokaralarga katta hissa qo‘shishi mumkin;

◾️ Gruziyada 26 oktyabrda bo‘lib o‘tadigan umumiy saylovda amaldagi hukumat g‘alaba qozonmasligi va yangi hukumat G‘arb bilan munosabatlarini qayta yo‘lga qo‘yishi kerak;

◾️ Agar muxolifat saylovlarda g‘alaba qozonsa, texnokratik hukumat tuziladi, demokratiya va Yevropa Ittifoqiga integrasiyani rivojlantirish yo‘lida muhim qadamlar qo‘yilad;

◾️ AQSh ma’muriyatining Gruziyada bahs-munozaralarga sabab bo‘lgan “xorijiy agentlar” qonuni tufayli mamlakatimizga 95 million dollarlik yordamni to‘xtatishi, AQSH-Gruziya qo‘shma harbiy mashg‘ulotlarini qoldirish va Gruziyaning YEIga a’zo bo‘lishini kechiktirish haqidagi qarorlar umuman hayratlanarli emas;