Sabr tagi sariq oltin: Rossiya yadroviy zarba berishga sabr qilmoqda

Rossiya Federasiyasida yadroviy zarba berish uchun «rasmiy shartlar» mavjud, ammo rasmiylar hozircha «sabr ko‘rsatmoqda», dedi Medvedev.

Rossiya Xavfsizlik Kengashi rahbari o‘rinbosari va faol Telegram-bloggeri Medvedev Rossiyaga G‘arb qurollari bilan zarba berishga ruxsat berish ehtimoliga munosabat bildirdi va o‘zining telegram kanalida Ukraina Qurolli Kuchlarining Kursk viloyatidagi operasiyasi yadro quroli uchun rasmiy shart ekanligini aytdi. Ammo Rossiya Federasiyasi, uning so‘zlariga ko‘ra, «sabr-toqat ko‘rsatadi».
Hech kimga yadroviy mojaro kerak emas... Shuning uchun hozirgacha yadro qurolidan foydalanish to‘g‘risida qaror qabul qilinmagan. Ochig‘ini aytganda, buning uchun butun jahon hamjamiyatiga tushunarli va yadroviy to‘siq bo‘lish doktrinamizga mos keladigan rasmiy shart-sharoitlar mavjud. Ammo Rossiya sabrli.