Ruxsat etish xususiyatiga ega ayrim hujjatlarning pasportlari tasdiqlanmoqda

Kiritilayotgan o‘zgartirish va qo‘shimchalar bilan quyidagilar tasdiqlanmoqda:

Vazirlar Mahkamasining 01.11.2024 yildagi «Tadbirkorlik sohasidagi majburiy talablarni qisqartirish hamda ruxsat berish tartib-taomillari soddalashtirilishi munosabati bilan O‘zbekiston Respublikasi Hukumatining ayrim hujjatlariga o‘zgartirish va qo‘shimchalar kiritish to‘g‘risida»gi VMQ-727-son qarori qabul qilindi.

Kiritilayotgan o‘zgartirish va qo‘shimchalar bilan:

• quyidagilar tasdiqlanmoqda:
• karantin ostidagi mahsulotlar uchun karantin ruxsatnomasi, fitosanitariya sertifikati hamda o‘simliklarni himoya qilish vositalarini tajriba sifatida qo‘llash uchun ruxsatnoma pasportlari;
• davlat veterinariya xizmati nazorati ostidagi tovarlarni eksport, import va O‘zbekiston Respublikasi hududi orqali tranzit qilishda ruxsat etish xususiyatiga ega hujjatlarning pasporti;
• mahalliy va import qilinadigan veterinariya dori vositalari hamda ozuqabop qo‘shimchalar ro‘yxatdan o‘tkazilganligi haqidagi guvohnomaning pasporti;
• quyidagilar belgilanmoqda:
• karantin ruxsatnomasi va fitosanitariya sertifikatini olish uchun arizalarni “Yagona darcha” bojxona axborot tizimi orqali elektron shaklda rasmiylashtirish tartibi;
• ruxsat etish xususiyatiga ega hujjatlarni berishni rad etish to‘g‘risidagi xabarni elektron shaklda berish tartibi.

Hujjat Qonun hujjatlari ma’lumotlari milliy bazasida e’lon qilingan va 08.11.2024 yildan kuchga kirdi.