Rubio: "AQSh Xitoyni Eronga ta’sir o‘tkazishga ko‘ndirishga umid qilmoqda"

AQSh ma’muriyati Yaqin Sharqdagi mojaroni hal qilish va Fors ko‘rfazidagi vaziyatni barqarorlashtirish uchun Xitoyni Eronga ta’sir o‘tkazishga ko‘ndirishga umid qilmoqda.

Bu haqda AQSh Davlat kotibi Marko Rubio Fox News telekanaliga bergan intervyusida ma’lum qildi.

"Buni hal qilish ularning manfaatlariga mos keladi. Biz ularni Eronni Fors ko‘rfazida hozirda qilayotgan va qilishga harakat qilayotgan ishlaridan voz kechishga majburlashda faolroq rol o‘ynashga ko‘ndirishga umid qilamiz", dedi u.

Rubioning so‘zlariga ko‘ra, Xitoy kemalari hozirda "Fors ko‘rfazida qolib ketgan".

Davlat kotibi shuningdek, Yaqin Sharqdagi mojaro mintaqadan energiya ta’minotiga bog‘liq bo‘lgan Osiyo uchun beqarorlik xavfini tug‘dirishini ta’kidladi.