Rossiyaning xom neft eksportidan keladigan daromadi energiya resurslari narxining pasayishi tufayli ikki yil ichidagi eng past darajaga tushdi, deb xabar bermoqda Bloomberg.
Tanker ma’lumotlariga ko‘ra, 25 maygacha bo‘lgan to‘rt hafta davomida Rossiyadan o‘rtacha kunlik neft yetkazib berish hajmi 3,39 million barrelni tashkil etdi - bu avvalgi davrga nisbatan atigi 10 ming barrelga kam. Biroq, eksport qilingan neftning umumiy qiymati 2023 yil apreldan buyon eng past ko‘rsatkichga tushdi.
25 mayda yakunlangan haftada neft eksportidan olingan daromadlar 20 million dollarga (1 foiz) kamayib, 1,26 milliard dollarni tashkil etdi. Shu bilan birga, Rossiyaning dengiz orqali xom neft eksporti qiymati ketma-ket 13 oydan ortiq vaqt davomida pasayishda davom etmoqda.
2024 yil 21 aprelda eksport daromadlari haftasiga taxminan 1,95 milliard dollarga yetganda, Rossiya neftining narxi 28 foizga, yetkazib berish hajmi esa taxminan 8 foizga kamaygan. Bloomberg ta’kidlashicha, sanksiyalar bu ko‘rsatkichlarga qay darajada ta’sir ko‘rsatgani noma’lum.
Kreml milliardlab topmoqda, Yevropa esa milliardlab sarflamoqda
Durov: "Men rusman!"
Kiyev qarz to‘lovini rad etdi
