Rossiyaning energetika giganti "Gazprom" o‘z xodimlari va ularning oilalarini Yevropadan ko‘chirmoqda hamda ular uchun turk tili darslarini tashkil etmoqda

Rossiyaning energetika giganti "Gazprom"ning "Shimoliy oqim" va "TurkStream" gaz quvurlarida ishlaydigan deyarli barcha xodimlari o‘tgan yili Yevropa Ittifoqini tark etishgan.

Manba: Rossiyaning "The Moscow Times" internet-gazetasi bir nechta kompaniya xodimlarining so‘zlariga asoslanib xabar bermoqda

Tafsilotlar: Ikki xodim kompaniya gaz taqsimot markazini tashkil etishni rejalashtirayotgan Turkiyaga yo‘l olayotganini ma’lum qilgan.

O‘tgan yili "Gazprom" xodimlari turk tilini tez o‘rganishga kirishdi va kompaniya ular uchun til kurslarini tashkil etdi. Yil oxiriga kelib, ular Istanbulda kvartira qidirib, u yerga o‘z anjomlarini va oilalarini ko‘chira boshlashdi.

Xabar qilinishicha, Yevropani tark etayotganlar faqat "Gazprom"ning rossiyalik xodimlari emas, balki "Gazprom"da ishlagan Yevropa Ittifoqi fuqarolari ham.

"Moscow Times" nashrining yozishicha, o‘tgan yili "Gazprom" xodimlari "Shimoliy oqim" gaz quvuri portlashidan keyingi tozalash ishlariga yordam bergan (ko‘plab Yevropa kompaniyalari sanksiyalar tufayli bu jarayonda qatnashishdan bosh tortgan) va "TurkStream" operasiyalari Gollandiya kompaniyasi orqali boshqarilishda davom etgan. Biroq, ularning faoliyati "Gazprom"ning Yevropa kompaniyalari rahbariyatiga va kompaniyalarning o‘ziga qo‘yilgan sanksiyalar tufayli qiyinlashgan.