Rossiyaning chegara hududi o‘qqa tutildi

Rossiya Belgorod viloyatida chegarada dron hujumlarida 2 nafar tinch aholi halok bo‘lganini ma’lum qildi.

Rossiya Mudofaa vazirligi so‘nggi 24 soat ichida Ukrainaning 44 ta uchuvchisiz uchish apparatini urib tushirganini bildirdi. Shu bilan birga, Rossiyaning Belgorod chegara hududi gubernatori yakshanba kuni dron hujumlarida ikki tinch aholi halok bo‘lganini aytdi.

Gubernator Vyacheslav Gladkov o‘z Telegram-kanalida chegara sharqidan taxminan 8 kilometr uzoqlikda joylashgan Malinovka qishlog‘ida tunda bir kishi halok bo‘lgani haqida xabar berdi.

Kunning keyingi qismida esa dron hujumiga uchragan yengil avtomobilda bo‘lgan ayol shifoxonada vafot etdi, yana bir fuqaro jarohat oldi, deb qo‘shimcha qildi Gladkov.

Rossiyaning boshqa chegara hududlari singari, Belgorod ham 2022 yilda Rossiya Ukrainaga bostirib kirgandan beri otishma va dron hujumlariga duch kelmoqda.

Ukraina ham, Rossiya ham tinch aholini nishonga olishni rad etadi. Kiyev o‘z navbatida hujumlari Moskvaning umumiy harbiy sa’y-harakatlariga putur yetkazish maqsadida faqat harbiy va energetika infratuzilmasini nishonga olishga qaratilganini ta’kidlaydi.