Rossiyalik Olimpiada sovrindori doping tufayli diskvalifikasiyaga duchor bo‘ldi

Boks bo‘yicha Olimpiada bronza medali sovrindori, rossiyalik Imam Xatayev 2024 yil 9 aprel kuni topshirgan doping testida taqiqlangan klomifen va uning metabolitlari aniqlandi.

Bu haqda Xalqaro doping-testlar agentligi (ITA) saytida xabar berildi.

Protokolga ko‘ra, endi uning 2024 yil 9 apreldan 2025 yil 26 iyungacha bo‘lgan davrdagi barcha natijalari bekor qilinadi.

Xatayev navbatdagi professional jangini 12 iyul kuni Nyu-Yorkda (AQSh) yarim og‘ir vazn toifasida WBA Regular sobiq chempioni Devid Morrellga qarshi o‘tkazishi edi. Ushbu jangning bekor qilinishi haqida hozircha rasmiy ma’lumot yo‘q.