MDH davlatlaridan kelgan migrantlar Rossiya o‘rniga mehnat migrasiyasining yangi yo‘nalishlarini tanlay boshladilar. Bu haqda Rossiya Fanlar akademiyasi Demografik tadqiqotlar instituti direktori Mariya Xramova RBK bilan suhbatda gapirdi.
Xramovaning ta’kidlashicha, ko‘proq davlatlar xorijliklar uchun yanada jozibador mehnat sharoitlarini yaratish bilan band. Shu sababli, MDH davlatlaridan kelgan muhojirlar tobora ko‘proq yangi yo‘nalishlarni, jumladan, Xitoy va Yevropa davlatlarini tanlashmoqda. Xramovaning so‘zlariga ko‘ra, Tojikistondan ishchilar Xitoyga, O‘zbekistondan esa Yevropaga qiziqish bildirmoqda.
Markaziy Osiyo davlatlaridan kelgan muhojirlar uchun boshqa manzillar qatoriga BAA va Qatar ham kiradi. «Shu nuqtai nazardan, Rossiya muhojirlar uchun, ayniqsa, biz uchun eng muhim bo‘lgan malakalilar uchun kurashishi kerak...» dedi Xramova.
2022 yilda Rossiyada migrasiya o‘sishi kamaydi. Oqimning qisqarishining asosiy sabablaridan biri Rossiyadagi migrantlar daromadining kamayishidir. Xramovaning so‘zlariga ko‘ra, oqimning kamayishiga xorijga pul o‘tkazishdagi qiyinchiliklar ham ta’sir ko‘rsatgan.