Putin Rossiyadan yaqin xorij mamlakatlariga 1 million rubldan ortiq naqd pul olib chiqishni taqiqladi.
Taqiq YEOII davlatlari — Belarus, Qozog‘iston, Armaniston va Qirg‘izistonga, shuningdek, Ozarbayjon, Tojikiston va O‘zbekistonga naqd pul olib chiqishga taalluqli. Tegishli farmonni Rossiya prezidenti 29 sentyabr kuni imzolagan, deb xabar bermoqda davlat agentligi TASS.
Yuridik shaxslar va yakka tartibdagi tadbirkorlarga ushbu mamlakatlarga pul olib chiqish, summa miqdoridan qat’i nazar, taqiqlangan.
1 million rubldan ortiq mablag‘ni faqat belgilangan xalqaro aeroportlar orqali, valyutaning bank hisobidan yechilganini tasdiqlovchi bank ko‘chirmasi mavjud bo‘lgan taqdirda olib chiqish mumkin.
Farmonda ta’kidlanishicha, taqiq buzilgan taqdirda, barcha naqd pul musodara qilinadi.
«Vedomosti» nashrining yozishicha, avval jismoniy shaxslar uchun limit 100 ming dollar ekvivalentini tashkil qilgan. Bundan tashqari, avvalgi cheklovlar Ozarbayjon, Tojikiston va O‘zbekistonga nisbatan tatbiq etilmagan.
10 yildan beri qidiruvda bo‘lgan o‘zbekistonlik ISHIDchi, «Choyxona» rahbari AQShga ekstradisiya qilindi
Netanyaxu nutqi paytida zalni tark etgan davlatlar ro‘yxati
Ra’no Shodiyeva uchun og‘ir judolik
