Rossiyadagi kredit qarzi O‘zbekistonda undirilishi mumkinmi?

Ayrim fuqarolar Rossiyada olingan kredit qarzi O‘zbekistonda undirilmaydi, deb o‘ylaydi. Bu — noto‘g‘ri tasavvur.

Amaldagi qonunchilikka ko‘ra, agar chet el sudi qarz undirish haqida qaror chiqargan bo‘lsa, u O‘zbekistonda ham tan olinishi va ijro etilishi mumkin. Bu Fuqarolik prosessual kodeksi va O‘zbekiston–Rossiya o‘rtasidagi xalqaro konvensiyalar asosida amalga oshiriladi.

Rossiya sudi qarori O‘zbekiston sudi tomonidan tan olingach, u Majburiy ijro byurosi orqali ijro etiladi. Qarzdorning mol-mulkiga taqiq qo‘yilishi, bank hisoblaridan pul undirilishi yoki chetga chiqish huquqi cheklanishi mumkin.

Shuning uchun “xorijdagi qarz O‘zbekistonda undirilmaydi” degan fikr xavfli. Aksincha, qarz foiz va jarimalar bilan yanada oshib, keyinchalik O‘zbekistonda ham jiddiy muammolarga sabab bo‘lishi mumkin.

Xulosa: xorijda kredit olish yoki kafil bo‘lishdan oldin barcha huquqiy oqibatlarni chuqur o‘ylab ko‘rish kerak.