Rossiyada yana qimmatchilik

Rossiyada sut mahsulotlari ham qimmatlashmoqda.

Rosstatning 8 noyabr kuni e’lon qilgan ma’lumotlariga ko‘ra, Rossiyada sariyog‘ narxining o‘sishi va tanqisligi bilan bir qatorda smetana narxi - 1 foizga, pasterizasiya qilingan sut - 0,9 foizga va sterilizasiya qilingan sut - 0,8 foizga, qattiq, yarim qattiq va yumshoq pishloqlar - 0,7 foizga qimmatlashgan.

«Soyuzmoloko» sut ishlab chiqaruvchilar milliy ittifoqi direktori Artem Belov TASSga bergan intervyusida sut mahsulotlari narxining oshishini mahsulot tannarxining oshishi bilan izohladi.

Belovning so‘zlariga ko‘ra, Rossiya iqtisodiyotida sodir bo‘layotgan voqealarning haqiqiy manzarasi ochiladi. Barcha asosiy moddalar - ish haqi, ozuqa, energiya resurslari, uskunalarga xizmat ko‘rsatish va boshqalar bo‘yicha xarajatlar oshadi.