Rossiyaning Vladimir viloyatida O‘zbekiston fuqarosi bo‘lgan 54 yoshli erkak janjal ortidan bo‘g‘ib o‘ldirilgani va jasadi tomorqaga — olma daraxti ostiga ko‘milgani aniqlandi.
Tergov ma’lumotlariga ko‘ra, 16 noyabr kuni erkak 48 yoshli tanish ayolning uyiga borgan. Spirtli ichimlik iste’mol qilingach, oralarida janjal chiqqan. Ayol uni arqon bilan bo‘g‘ib o‘ldirib, so‘ng jasadni ko‘mgani aytilmoqda.
Hodisadan keyin u marhumning telefoni va bank kartasini o‘g‘irlagan.
Janjal ayol qarz so‘ragani, erkak esa pul berishdan bosh tortgani sabab yuzaga kelgani ma’lum qilingan. Jabrlanuvchining qarindoshlari ham ayolning oldindan katta qarzi bo‘lganini tasdiqlamoqda.
Tergov qo‘mitasi qotillik bo‘yicha jinoyat ishini ochdi. Gumonlanuvchining uyidan ashyoviy dalillar topilgan.
Kaspiy dengizi ikkiga ajralishi mumkin
O‘zbekiston bo‘ylab sovuq antisiklon va inversiya uzoqroq davom etadi
Toshkent viloyati va Toshkent shahrida "erfurushlar" qo‘lga tushdi
