Davlat dumasi deputatlari bayramlardan so‘ng Rossiya sudlari qarorlarini bajarmayotgan, shu jumladan, qarzdorligi mavjud bo‘lgan chet elliklarga mehnat patentlarini berishni rad etish yoki uzaytirmaslik to‘g‘risidagi qonun loyihasini kiritadi.
Bu haqda TASSga Davlat dumasining mehnat, ijtimoiy siyosat va faxriylar ishlari bo‘yicha qo‘mitasi raisi Yaroslav Nilov ma’lum qildi.
"Men va hamkasblarim fikricha, sud qaroriga qaramay qarzini qasddan to‘lamaydigan migrantlarga mehnat patenti berishni rad etish mexanizmini joriy etish zarur. Hukumatga ushbu qonun loyihasi yuborildi, u bahorgi sessiyadayoq Davlat dumasiga kiritiladi", — dedi Nilov.
Uning tushuntirishicha, mazkur tashabbus “chet elliklarning qarzlari bilan kurashish uchun rag‘batlantiruvchi vositalardan biri” bo‘lishi mumkin.
"Bu qarzdor shaxs patentni uzaytirish uchun o‘z qarzini majburiy tartibda to‘lashi shart bo‘lgan sharoitlarni yaratish uchun zarur", — dedi deputat.
Ilgari Nilov ma’lum qilganidek, taklif etilayotgan tuzatishlarda mehnat patentini bekor qilish uchun asos Rossiya sudi qarorini qasddan bajarmaslik hisoblanadi.
Avvalroq Rossiya Ichki ishlar vazirligi mehnat patentlarini rasmiylashtirish va berish reglamentini yangilash to‘g‘risidagi buyruq loyihasini e’lon qilgan edi. Unga ko‘ra, agar chet ellik shaxs giyohvand moddalar iste’mol qilsa, xavfli yuqumli kasalliklarga chalingan bo‘lsa yoki tibbiy ko‘rik natijalari bo‘yicha hujjatlarni o‘z vaqtida taqdim etmasa, unga patent berilmasligi ko‘zda tutilmoqda.
Xoin tan soqchi 50 million dollar olishi mumkin
Maduroning o‘g‘li otasining o‘g‘irlab ketilishidan so‘ng unga murojaat qildi
Venesuela mudofaa vaziri Vladimir Podrino Lopes videomurojaat yo‘lladi
