Rossiya, Xitoy va Eron o‘rtasida uch tomonlama muzokaralar bo‘lib o‘tdi

Eron, Rossiya va Xitoyning Venadagi xalqaro tashkilotlar huzuridagi doimiy vakillari uch tomonlama maslahatlashuvlarning navbatdagi bosqichini o‘tkazdilar.

Bu haqda Rossiyaning Venadagi xalqaro tashkilotlar huzuridagi doimiy vakili Mixail Ulyanov o‘zining rasmiy "X" (sobiq Twitter) sahifasida ma’lum qildi.

Uch davlatning diplomatik vakillari Eron yadro dasturi atrofidagi vaziyat rivojini muhokama qilish uchun Venada uchrashdilar. Muzokaralar Avstriya poytaxtida joylashgan xalqaro tashkilotlar huzuridagi doimiy vakolatxonalar darajasida olib borildi.

"Xitoy, Eron va Rossiyaning doimiy vakolatxonalari Eron yadro dasturi bilan bog‘liq masalalar bo‘yicha uch tomonlama maslahatlashuvlarning navbatdagi bosqichini o‘tkazdilar", — deb qayd etdi Ulyanov o‘z postida.