Rossiya Xalqaro jinoiy sud yurisdiksiyasini tan olmasa ham, Putin Gaagada sudlanishi mumkin. Bu haqda Xalqaro jinoiy sud bosh prokurori Karim Xan CNN telekanaliga bergan intervyusida aytib o‘tdi.
U fashist harbiy jinoyatchilari va sobiq Yugoslaviya prezidenti Slobodan Miloshevich ustidan o‘tkazilgan tarixiy sud jarayonlarini misol qilib keltirdi.
"Ularning barchasi qudratli, nufuzli shaxslar edi — va shunga qaramay, ular sud zalida bo‘lishdi", — dedi prokuror.
Uning ta’kidlashicha, XJS qarori allaqachon tarixga kirgan: Vladimir Putin BMT Xavfsizlik kengashining doimiy a’zosi hisoblanmish mamlakatning hibsga olish uchun order berilgan birinchi davlat rahbari bo‘ldi.