Shimoliy Koreya Rossiya pullari va texnologiyalari evaziga o‘z odamlari va qurollarini Rossiya Federasiyasiga yubordi, bu Vladimir Putin va Kim Chen In tomonidan 2024 yil iyun oyida Pxenyanda imzolangan o‘zaro yordam to‘g‘risidagi shartnomaning maxfiy qoidalariga muvofiq, dedi Ukraina razvedkasi rahbari Kirill Budanov.
Uning so‘zlariga ko‘ra, Shimoliy Koreya o‘z odamlari va qurollarini Rossiyaga xayriya maqsadida hadya qilmaydi. Rossiya Shimoliy Koreyaga sanksiyalarni chetlab o‘tish va yadroviy salohiyatini «mustahkamlash»da yordam bermoqda. Xususan, Moskva, dedi u, kam quvvatli taktik yadro qurollari va suv osti raketalarini uchirish tizimlari uchun ba’zi texnologiyalarni bermoqda. Ushbu bayonotning mustaqil tasdig‘i yo‘q, deyiladi materialda.
Bosh razvedka boshqarmasi rahbarining qo‘shimcha qilishicha, Ukraina razvedkasi 23 oktabr kuni frontning Kursk yo‘nalishiga birinchi Shimoliy Koreya qo‘shinlari kelishini kutmoqda.