Rossiya Prezidenti Vladimir Putin va Serbiya Respublikasi Prezidenti Aleksandr Vuchich telefon orqali muloqotda turli sohalarda o‘zaro manfaatli hamkorlikni yanada mustahkamlash tarafdori ekanliklarini tasdiqladilar. Bu haqda 20-oktabr, yakshanba kuni Kreml matbuot xizmati xabar berdi.
«Rahbarlar Belgradning fashist bosqinchilaridan ozod qilinganining 80 yilligi munosabati bilan bir-birini tabrikladi. 1944 yilning shu kuni Yugoslaviya Xalq Ozodlik Armiyasi bo‘linmalari ishtirok etgan Sovet Armiyasining Belgrad hujum operasiyasi yakunlandi. Bu Bolqondagi Ikkinchi jahon urushining yakuniy bosqichidagi muhim voqealardan biriga aylandi», — deyiladi xabarda.
Tomonlar ma’naviy, madaniy va tarixiy hamjihatlikka, o‘tmish va bugunga baholar birligiga asoslangan ikki tomonlama munosabatlar darajasidan mamnun ekanliklarini bildirdilar, deya ta’kidladi Kreml.
Ukraina beshta shaharni yo‘qotish xavfi ostida
Turkiya, Eron, Rossiya, Qatar, Misr, Iordaniya va boshqa davlatlar Suriya bo‘yicha qo‘shma bayonot berdi
Isroil tanklari Suriya hududiga bostirib kirdi
