Rossiya va Armaniston o‘rtasidagi munosabatlar murakkab bosqichga yetib keldimi?

Rossiya Tashqi ishlar vaziri Sergey Lavrov Moskva va Yerevan o‘rtasidagi munosabatlarni "hozirgi bosqichda murakkab" deb baholadi. Lavrov bu haqda bugun Moskvada o‘tkazilgan matbuot anjumanida bayonot berdi.

Uning so‘zlariga ko‘ra, "Armanistonning AQSh bilan strategik sheriklik to‘g‘risidagi bitimni imzolash to‘g‘risidagi qarori suveren bo‘lib, Moskva Yerevanga kim bilan hamkorlik qilishni aytmaydi."

Shu bilan birga, Lavrov Yerevanga "mazkur masalada barcha tarafdorlar va qarshilarni taroziga solishga" chaqirdi.

"Armaniston hukumati istalgan xalqaro ittifoqqa qo‘shilish to‘g‘risida qaror qabul qilishga haqli. Ammo u barcha ijobiy va salbiy jihatlarni taroziga solib, oqibatlari uchun javobgarlikni o‘z zimmasiga olishi kerak," - dedi vazir.

Uning so‘zlariga ko‘ra, Armaniston bir vaqtning o‘zida ham Yevropa Ittifoqiga, ham YEOIIga a’zo bo‘la olmaydi.

Lavrov, shuningdek, Armaniston tashqi ishlar vaziri Ararat Mirzoyan Rossiyaga taklif qilingani, uning tashrifi yaqin kunlarda amalga oshirilishi mumkinligini ma’lum qildi: "Ararat Mirzoyan Rossiya Federasiyasiga taklif qilindi. U taklifni qabul qildi, biz uni kutyapmiz. Umid qilamanki, tez orada tashrif bo‘ladi".